5越越南餐廳 (已結業)

去咗喺8咪半商場嘅一間越南食肆，雖然好評唔多，但見嘢食唔算貴，地方闊落，就入去試味，估唔到今次成功避雷！#點咗一碗香茅豬扒，面底揀咗金邊粉。第一次食浸喺湯嘅金邊粉，口感自然冇炒咁好食，但口感新鮮，OOKK啦～比較滿足雙眼始終係香茅豬扒，賣相引起食慾，厚肉地，切得幾勻稱，煎得唔燶，肉質唔嫩唔老。#椰汁芋頭紫米露真材實料，芋頭同紫米比例正常，椰汁多咗啲，但整體味道唔錯。#紅豆珍多冰印尼、越泰都有呢類嘢飲，啲啫喱條幾得意，冇味但勝在口感，不過兩款甜品都有椰汁🥥，所以有少少滯。