文興酒家 (大明里)

營業中

休息中

在倫敦冇食到文興，反而在大埔食到，而且價廉物美，服務好，環境舒服。一星期去了兩次食午餐，每次都一定來一碟鴨下庒，可以選有骨或去骨，個人比較喜歡有骨落地。蒜泥白肉和糯米蓮藕令人驚喜，肉片比較坊間的厚一倍，包着青瓜及蜜瓜，蒜泥用汁醃過，增加了鮮味。糯米蓮藕煮得比較軟身，長者都食到。燒肉飯＄48一碟，燒腩仔分量多，飯熱，配燒鴨汁一流。鴛鴦炒飯不貴，但味道一般，茶錢＄10一位。如果選擇外賣要留意，我試過週日5:30pm 去買，付錢時職員講明6:30pm才有，可能是燒味檔同事要休息食晚飯，又可能是太多預訂，燒唔切啩。