桔梗 (已結業)

朋友們預先訂了座，因為6點幾食，所以好少人，但隨住食到7點半，見到愈嚟愈多人幫襯。地方好好好闊落，相聚閒聊飲嘢，絕對適合，只係我哋今次齋食飯。4人食，叫3個套餐，每個套餐包1個小食﹑1個主餐和1個甜品。凱撒沙律：我無食，唔知道，朋友沒說好食和難食，應該正常沒特別，份量足夠。水牛城雞翼：依一個套餐的份量叫多，好似有６隻。我唔食辣，唔知道，朋友說炸得好睇，食落一般，但味道夠，完。薯條：依一個套餐的份量叫多，好食，鬆脆既，配料如果有蕃茄醬和泰式醬會更好。紅咖啡牛肉燉飯：朋友叫，我無試，朋友講份量唔夠，是甜的味道，牛柳幾好，事後話要係咁飲水。黑松露干貝奶油燉飯：推介，干貝勁好食，奶油、干貝和飯的味道整體均勻，但太溜，同要係咁飲水。事後覺得好飽。甜品：沒影相，但令我失望，只有每人1個迷你四方蛋糕(3隻味)，而且好甜。