鳩間屋 (已結業)

我地唔想岀大商場同人迫，係豐年路輕鐵站附近，見到呢間居酒屋，係門口見都幾整齊舒適，就入去試下啦！七味雞泡魚乾，燒香香嘅焦糖化香味，淨食同點沙律醬都一樣好食。平時食開嘅開胃小吃。日式咖哩雞件飯，朋友話肚餓，一定要叫飯，呢個咖哩幾日式，唔辣，裡面有薯仔、紅蘿蔔粒粒。原條燒茄子，佈滿邪惡蒜蓉，食完口臭先高興，茄子一絲絲拉開黎食，好過份呀！一口芝士，炸得好脆脆，裡面熱到溶嘅芝士，正！仲有炸雞翼。松阪豬炒飯，呢個炒飯最讚，好香口，飯粒入味上面加左蟹籽，增加食炒飯口感，京蔥爽甜提升味道。抵食孖寶，98蚊有花甲和牛仔骨飲埋汽水，爽呀！