葡匯咪走雞葡國餐廳 (已結業)

趁住假期一家人出咗去尖沙咀， 行到去近Mira Place 2 想搵地方坐一坐食下午茶。 近二樓人流唔多行得好舒服有間葡國餐廳， 裝修頗有特色， 臨近聖誕仲有好多節日氣氛嘅裝飾。見到佢有下午茶餐牌， 行到攰入去歇一歇。 下午茶選擇主要分主食，小食和甜品三類。 葡式炒意粉($68 半份)用了粗身意粉，軟硬適中， 有一塊傳統嘅葡式肉腸，特製醬汁惹味，整體味道唔錯， 有別於一般嘅茄汁意粉 ，但半份份量稍嫌細， 係小朋友嘅輕食份量。 肥仔炒飯($68 半份)炒飯好香，炒得乾身唔油膩， 粒粒米飯都充滿茄香，還有好多提子乾。留意下午茶唔包括飲品， 需要另加費用， 不過選擇不少，除咗茶，啡，啤酒和特飲都可以。下午茶時段價格唔算抵，不過地方闊落坐得舒適， 行到攰搵地方坐低啱曬。