鋒哥廚房 (已結業)

元朗馬田路出名多嘢食，但估唔到喺御庭居呢邊都仲收埋咗幾間餐廳。呢間鋒哥廚房好寬趟，坐得舒服。小菜跟湯同飯，我地一人揀咗一個小菜。黑松露蝦仁韮皇炒蛋同西蘭花炒鮮魷。另外新張優惠，花膠雞煲都係$38，雖然兩個人食有d多，我地都係忍唔住嗌埋！我自己最鍾意個炒蛋，炒得好滑，份量又多，黑松露味亦夠突出，好啱送飯。西蘭花炒鮮魷既魷魚份量都唔少，另外個花膠雞煲雖然特價，但d雞好香，調味唔錯。總括嚟講，呢間餐廳坐得舒服，同朋友想食吓小菜，呢度都唔錯。