泰坊 (已結業)

收工又過黎觀塘工廈搵食，唔搵都唔知呢度既隱蔽位置有間泰國菜，環境仲要幾大，兩個人坐卡位幾闊落舒服。✨泰式豬手飯：飯量同豬手都幾多，豬皮爽口，d 肉夠腍，點埋個辣辣地既醬汁配酸菜幾醒胃，個飯仲有超多汁添。✨蒜蓉炒椰菜苗：第一次食呢款菜，個汁甜甜地幾好味，個菜同蘿蔔條仲炒得好爽口。✨海南雞湯河：好耐冇食過船麵湯底，湯底好濃仲好香香料味。d 雞好入味，配料仲有豬紅同炸豬皮。個河粉居唔到係咁粗，呢個king size 真係啱晒大胃王，又係食唔晒。✨椰青：清甜解渴仲要夠晒凍。✨椰汁西米糕： 一碟有八件都幾多，椰汁味幾香，西米大大粒入邊仲有粟米粒同芋頭，最後都係食唔晒要打包。