茗星粗菜館 (已結業)

本身喺佐敦其實真系唔知有乜嘢食，咁啱經過依間casual 的中菜，於是決定一試！睇餐牌介紹先知道原來依一間係香港以前老字號的大排檔餐廳，最後在香港兩個地方都有分店。菜色睇嚟都算有到香港的味道，但系因為今日唔系太肚餓，所以只系點左兩個餸試一試。首先點左紅燒豆腐，值得一贊的是豆腐外脆內軟，非常入味嘅外層配上超滑嘅豆腐，調味做得啱啱好，真系值得一贊！另外點左芋頭雞煲，上菜時熱辣辣，充滿椰香。但我自己本身就鐘意食芋頭味重一點的做法。所以對我來講，椰汁重手了喧賓奪主。雞肉都算嫩但系就不算太多，整體來講不過不失啦。最後鋪頭都做緊一蚊一隻鮑魚推廣優惠，只要在Facebook like左佢哋個page，就可以試佢哋嘅姜蔥果皮蒸鮑魚仔。做得都不錯。整體來說，可以一試。但如果你問系唔系超級好食，本人覺得一般啦。