Hugo Le Resto Grill (已結業)

呢度午餐好抵食😮環境坐得舒服，而且闊落價錢都係80蚊至140蚊左右，而且仲有自助沙律吧🥗雖然自助沙律吧食物種類唔算太多，但係啲菜都算新鮮🙃午餐仲包湯，是日係蘑菇湯，蘑菇湯都有心思，因為蘑菇切成碎粒，口感唔算creamy，但係都幾好飲😬最鍾意佢個蒜蓉包烘得非常脆，牛油蒜蓉味都夠重，好食😋另外仲有個提子包都好食🤤午餐我哋叫咗一個牛板腱及西冷，西冷嚟到味道都幾重牛味，唔錯🤩面上有燒汁，而且西冷都算幾厚。另外牛板腱我覺得更加好食，牛板腱雖然薄啲，但係肉質夠林，三成口感仲更加好食。午餐仲包餐飲，呢個價錢喺銅鑼灣區真係唔錯！