北海道食堂 (已結業)

朋友生日，佢想食放題。於是，我就帶咗佢去呢間餐廳。餐廳提供3種不同價錢放題，有特上放題，極上放題同極盛放題。我地就揀咗中間價錢個個極上放題，佢都有80款食物提供，都夠曬我地食。~~刺身全部都好新鮮，特別係三文魚同帶子。三文魚好厚切。帶子大大粒，食落好爽口。~~極上鐵板見到師傅即叫即整，熱辣辣。特別推介，鐵板蝦，好大隻，食落好彈牙。鐵板野菜，炒得好入味，d菜好甜，估唔到咁好味。鐵板香煎廣島蠔，煎得啱啱好，好香口。鐵板帶子，好大粒，食落好有口感。~~極上串燒/燒物燒牛舌好好味，食落好爽口。燒雞肉串，個燒汁好入味。燒雞中翼燒得好香，食落好嫰滑。~~極上炸物海老天婦羅，炸得啱啱好，唔會有好厚嘅炸粉，隻蝦都好大隻，食落好彈牙。炸甜薯，真係好甜，唔係講笑。餐廳環境好舒服，位同位之間都好闊，坐得好舒服。員工都好有禮貌。值得一讚，餐廳都提供多款無糖飲品選擇，包括無糖汽水，無糖茶等等。