更多
2020-05-17
3201 瀏覽
首先，黃金海岸餐廳嘅侍應態度十分惡劣，安排左一個角落頭嘅位俾我哋，完全冇人理我哋，啲侍應全部去晒自助餐嗰邊招呼客人，跟住個位又好熱，簡直係叫天不認、叫地不聞。本來訂左酒店嘅房係有套餐嘅，侍應冇問過我哋係咪呢度嘅住客，搞到我最嬲尾散嗌左啲嘢食，比起嗰個套餐貴左幾百蚊。嗌咗幾杯嘢飲，青島生啤係無氣既。炸芝士，個酸梅醬好唔夾個芝士，一般。洋蔥湯夠熱，都幾甜嘅，我覺得呢個OK。呢個jumbo set幾抵食，有一隻春雞加豬肋骨，薯條都夠脆，cherry tomatoes 好甜，粟米好乾好硬，個豬好嚡口，雞夠滑。影相嗰陣時太快手，牛扒張相有啲䑃，牛扒係幾好食嘅，五百幾蚊10安士一個套餐，包左頭先嗰個芝士小食。另外叫咗個龍蝦汁扁意粉，味道偏鹹，我覺得唔好食。最後叫咗一個Apple crumble ，我覺得份量都幾多，適合三至四人食，個皮都幾脆，入面有好多蘋果。埋單係$1700，我覺得一啲大型嘅西餐廳好食過佢，服務又差，我唔會再食呢間餐廳囉。本來諗住住酒店方便先至落嚟食嘢，但係感覺係完全側重左係自助餐嗰邊，西餐部呢邊係冇人理嘅，酒店真係要反省下係咪為咗慳資源，搞到唔夠人手！
本來訂左酒店嘅房係有套餐嘅，侍應冇問過我哋係咪呢度嘅住客，搞到我最嬲尾散嗌左啲嘢食，比起嗰個套餐貴左幾百蚊。嗌咗幾杯嘢飲，青島生啤係無氣既。
炸芝士，個酸梅醬好唔夾個芝士，一般。
洋蔥湯夠熱，都幾甜嘅，我覺得呢個OK。
呢個jumbo set幾抵食，有一隻春雞加豬肋骨，薯條都夠脆，cherry tomatoes 好甜，粟米好乾好硬，個豬好嚡口，雞夠滑。
影相嗰陣時太快手，牛扒張相有啲䑃，牛扒係幾好食嘅，五百幾蚊10安士一個套餐，包左頭先嗰個芝士小食。另外叫咗個龍蝦汁扁意粉，味道偏鹹，我覺得唔好食。
最後叫咗一個Apple crumble ，我覺得份量都幾多，適合三至四人食，個皮都幾脆，入面有好多蘋果。埋單係$1700，我覺得一啲大型嘅西餐廳好食過佢，服務又差，我唔會再食呢間餐廳囉。
本來諗住住酒店方便先至落嚟食嘢，但係感覺係完全側重左係自助餐嗰邊，西餐部呢邊係冇人理嘅，酒店真係要反省下係咪為咗慳資源，搞到唔夠人手！
張貼
