星巴克咖啡

營業中

休息中

屋企附近開左間starbuck真係好方便，同fd落黎吹下水hea下又有好地方。新元中呢間算係間出幾多地方比人坐，圍住三邊都係位。雖然位唔少，但都好難揾到位坐，唔明點解唔係黎幫襯嘅又坐係到等運到，有啲仲係隔離百佳買野出黎食，唉……轉左一圈比我同友人擺到張四人枱，好好彩呀，即刻去買野飲先。熱綠茶(真係唔知中文名係咩)同朱古力星冰樂，大杯裝。兩杯都好濃好夠味，略微甜左少少，今日店員重手左。另外兩杯熱朱古力，又係超濃，正呀，呢杯無咁甜啱啱好。吹水吹左成個幾兩個鐘，呢間舖幾好坐，啲位無咁迫，而且商場唔算高人流，環境幾靜下，ok啦。