鐵板一 (裝修中)

尋日同朋友去咗銅鑼灣行街，行到攰攰地，想搵個地方放鬆一下食過好食嘅lunch，搵咗一陣就發現咗呢一間喺登龍街嘅食西餐嘅地方叫做BG STEAK & PASTA，位置非常方便，距離地鐵站都係幾分鐘嘅路程！首先，餐廳氣氛幾有情調，座位寬敞，坐得舒適👍🏻朋友叫咗一份鐵板波爾多紅酒會牛柳條飯，望落去賣相都好吸引，而且呢個牛柳條嘅份量好多，仲要係好林好香嘅牛肉味！配合埋呢個紅酒汁真係好夾！而我就叫咗呢個海龍皇海鮮湯意大利粉😍😍真係俾咗好大嘅驚喜我，首先呢個海鮮湯嘅湯底好正，超級香濃嘅龍蝦味！而且在混合埋唔同嘅海鮮一齊煮出嚟嘅湯！真係好足料！再加上呢度嘅海鮮都非常新鮮，配合埋呢個咬口十足嘅意大利粉一齊食！可以話係好高質嘅意大利粉🤩🤩