紅火鮮料火鍋專門店

營業中

休息中

有一段日子冇食放題火鍋，今日朋友介紹下去咗旺角兆萬中心嘅紅火鮮料火鍋專門店食。呢度中日韓食物都有，中式係打邊爐、日式係刺身壽司、韓式係韓國燒烤。火鍋我哋點做花膠雞湯做湯底，花膠超大塊而且有成半隻雞喺入面。個湯底超鮮味而且味道濃沃，正！刺身就點咗鮑片、赤貝、帶子、甜蝦等等，每一樣都好新鮮，喺放提下任點，食到好滿足。韓國燒烤就點咗安格斯牛柳粒、美國雪花肥牛、鮮菠蘿等等。最值得推介係個雪花肥牛，燒起上嚟食超林而且好重牛味，燒菠蘿亦都係值得推介，菠蘿超多汁超甜。最後要提係呢度飲品同雪糕一樣種類繁多，雪糕有超多特別嘅味道選擇。總括嚟講，呢度地方方便而且各種食物又新鮮，鍾意同朋友聚腳食飯嘅好地方。