吃吧 (僑建大廈) (已結業)

見openrice寫8:30後有85折，心郁郁book位去食晚飯，餐廳位置入口系正彌敦道，好易搵，入面夜晚燈光比較陰暗。熱情果接骨木花茶 $56成個花樽造型既飲品，有啲嚇一跳，上面既花系假既，只作裝飾用途。實際飲品系ok既，有熱情果味。香橙白桃氣泡茶 $56白桃味既有氣茶，仲有啲橙肉。墨西哥烤雞餅 $88烤雞餅幾多醬料同餡料。烤西班牙豬肋骨 標準份量$188豬肋骨大約有4-5條骨，肉都多同淋，bbq醬汁幾惹味，仲會配好多薯條。慢煮甜酒燴和牛面頰 $188牛面頰都幾大件，易切開，切開一絲絲，吾算好淋，亦無咩酒味，但個醬汁幾夠味，底下會配薯蓉，薯蓉幾滑，吾重牛油味。