睿日本料理 (已結業)

其實都唔係好識間餐廳名，佢有三間都叫睿，唔好去錯，另外兩間係和牛燒同居酒屋，今日食呢間叫日本料理。入到去有四個吧枱位，三張枱，空間唔算好大，如果同兩三個朋友黎食就足夠，廚房空間都係開房式，都望到有兩位廚師負責啲料理。冷盤叫左兩樣，其他就係主要為熟食，熟食等得比較耐，因為廚師都係即刻製作，所以需時。天婦羅係最有驚喜，無論賣相同味道都有99分，日本海膽紫菜卷其實下面係紫菜天婦羅，上面份量超多既新鮮海膽，配搭一齊食無得頂。另外個炸蝦餅其實係大蝦下面放左一條條素菜天婦羅堆砌而成既餅塊樣，賣相好得意。