泰象館

營業中

休息中

想食泰國野黎到九龍城一定大把選擇，今次揀左泰象館，鋪頭好光猛，又乾淨，菜單有勁多選擇，而今次就叫左啲大路菜。首先叫左串燒三拼，分別有豬、牛、雞，燒得好出色，熱辣辣好好食，唔會好柴，熱食就好正。炸蝦餅又係新鮮炸起，脆卜卜，夠彈牙同埋一碟有8件都幾抵食。蛋包鮮蝦金邊粉，呢個炒金邊粉好出色，賣相又好，佢係蛋網住d麵。個麵唔會話好乾身，個味又唔會好咸，而且都幾多料，仲有大蝦係入面。泰皇秘制鰂魚，泰國既鰂魚係比較小細骨，而且都好多肉，佢會幫手起埋啲肉出黎，配埋個芒果沙律，酸酸甜甜幾開胃，仲有腰果做配料，好好食。店舖既坐位都算闊落，而且冷氣好強勁，唔洗怕食到大汗踏細汗。員工好友善同汁野好快手，食物即叫即整好新鮮，所以先可以咁好味。埋單先知免收加一，真係好味又抵食。