影片
更多
2018-01-22
248 瀏覽
冬天最岩就係打邊爐即刻暖粒粒，去開深水埗諗起朋友介紹過既依間火鍋煮場就想挑戰下。今次係同2位朋友一齊食既，餐廳閒日唔算太忙，環境都坐得幾舒服! 原來火鍋煮場就唔只得火鍋食架，仲有刺身同小食，小食方面叫左個香煎墨魚餅($98)，岩岩煎出黎時聞落幾香，外皮脆得黎又唔會太厚粉，而且好有咬口。食物方面最緊要緊係簡個湯底先啦，最後我地簡左個胡椒豬肚湯($128)，湯底本身已經有好足料，有好多豬肚、豬腸。呢個湯底用黎打邊爐會愈來愈惹味。唔中意麻辣但又想食下小小胡椒辣既人就岩哂啦!特別想分享下既係佢地既珊瑚蚌同貴花蚌($138)! 佢地既海鮮真係好新鮮。仲可以雙併咁叫，少人都可以一次過試哂兩隻蚌。珊瑚蚌就好爽口，食落口唔會霉，唔似平時出邊酒樓果d西蘭花炒珊瑚蚌咁無乜味，食落反而有驚喜，好似食到海水的新鮮味道，就算唔點豉油都好高質。即炸紫菜響鈴($68)係侍應推介，佢話係餐廳自創的。平時食太多響鈴已經悶悶地，但呢個紫菜響鈴幾得意。我唔中意滾太耐，通常落3秒就食。最正既係D紫菜浸完都係仲係脆既，比起一般響鈴個口感同味道都係多層次啲。手打墨魚肉丸($88)都係好新鮮，彈牙得黎又起哂膠，而且好有口感食落仲會
原來火鍋煮場就唔只得火鍋食架，仲有刺身同小食，小食方面叫左個香煎墨魚餅($98)，岩岩煎出黎時聞落幾香，外皮脆得黎又唔會太厚粉，而且好有咬口。
食物方面最緊要緊係簡個湯底先啦，最後我地簡左個胡椒豬肚湯($128)，湯底本身已經有好足料，有好多豬肚、豬腸。呢個湯底用黎打邊爐會愈來愈惹味。唔中意麻辣但又想食下小小胡椒辣既人就岩哂啦!
特別想分享下既係佢地既珊瑚蚌同貴花蚌($138)! 佢地既海鮮真係好新鮮。仲可以雙併咁叫，少人都可以一次過試哂兩隻蚌。珊瑚蚌就好爽口，食落口唔會霉，唔似平時出邊酒樓果d西蘭花炒珊瑚蚌咁無乜味，食落反而有驚喜，好似食到海水的新鮮味道，就算唔點豉油都好高質。
即炸紫菜響鈴($68)係侍應推介，佢話係餐廳自創的。平時食太多響鈴已經悶悶地，但呢個紫菜響鈴幾得意。我唔中意滾太耐，通常落3秒就食。最正既係D紫菜浸完都係仲係脆既，比起一般響鈴個口感同味道都係多層次啲。
手打墨魚肉丸($88)都係好新鮮，彈牙得黎又起哂膠，而且好有口感食落仲會感覺到入面啲墨魚粒添，真係值得一試。
另外叫左碟水餃($68)，皮薄到未食都見到入面嘅餡，隻隻都幾肥美，而且比想像中有咬口。
蔬菜方面叫左皇帝菜($48)，皇帝菜喺火鍋店嚟講算小見，餐廳菜款多達約三十種比你簡，應該點都有款岩你口味，菜嘅口感新鮮香嫩，不錯。而栗米($48)一向都係我打邊爐必食之一，通常都滾到最後食，就好鮮甜，再加埋湯底既胡椒味!正! 
餐廳環境光猛舒服唔迫，適合同朋友仔一齊去!
張貼
