瑞士咖啡室 (已結業)

難得約咗朋友出街，就一齊食埋晚餐～呢間瑞士咖啡室外型懷舊，睇落唔錯，睇埋餐牌發覺都幾抵食，我同朋友兩個人就order呢個$168二人套餐～～A,B各有六款蒸、炒、煮同煲可以揀，款款都好似唔錯～最後，我揀左鐵板蜜椒薯仔牛柳粒同芝士焗西蘭花蝦球，跟餐有一碟蟲草花浸白菜送～牛柳粒煎炒得好香口，快炒肉夠嫩，薯仔外皮爽脆，份量都足料～另外既西蘭花蝦球都好食，大大粒蝦球，肉質彈牙，芝士焗香噴噴，有拉絲～～加埋碟菜，兩個人真係食得好滿足，超抵食！