影片
更多
2021-07-30
56 瀏覽
自從啟德站開咗之後，間唔中都會搭幾個站落去紅磡搵食。今日放下晝，反正無嘢做，一於單拖過嚟必嘉街買外賣。其實一早已經睇中咗呢間主打台式料理嘅小店，門面以浪漫迷人的紫色為主調，旁邊有道粉紅色隨意門，非常盞鬼，如果隻門可以隨意開啟，應該更有快感。小店面積不大，設計簡約，以外賣為主，不過客人亦可以站在旁邊的企位立食。點咗個鐵路便當 ($55)，另外再加咗吐司同仙草芋圓各一份。自選便當可以揀魯肉飯或乾拌麵，配 1 款主食同 2 款小吃。魯肉飯擺放得非常整齊，分開三格盛載，魯肉肥瘦適中，口感鬆軟，調味亦恰好，米飯粒粒分明。主食揀咗滷水雞扒，雞肉大大塊，店員已經代為切開數件，肉質非常嫩滑，夠晒入味。台灣士林香腸味道亦唔錯，脆口又帶點蒜香，充滿台灣夜市風味！澎湖花枝丸，每一粒都好似兵乓球咁大，口感彈牙，食到鮮甜滋味。跟餐 +$5 可以點杯台式飲品，揀咗金鑽鳳梨綠茶，鳳梨的香甜，配上綠茶的茶香，鮮甜又清爽，好 fresh。吐司選擇非常豐富，除了三款經典口味外，仲有白兔糖鮮奶麻糬口味同一系列鐵板吐司。揀咗肉鬆芋泥吐司 ($42)，吐司好墜手，非常大份，餡料飽滿。肉鬆香氣獨特、鹹香味濃。芋泥綿滑帶芋頭香，吐
其實一早已經睇中咗呢間主打台式料理嘅小店，門面以浪漫迷人的紫色為主調，旁邊有道粉紅色隨意門，非常盞鬼，如果隻門可以隨意開啟，應該更有快感。
小店面積不大，設計簡約，以外賣為主，不過客人亦可以站在旁邊的企位立食。點咗個鐵路便當 ($55)，另外再加咗吐司同仙草芋圓各一份。
自選便當可以揀魯肉飯或乾拌麵，配 1 款主食同 2 款小吃。魯肉飯擺放得非常整齊，分開三格盛載，魯肉肥瘦適中，口感鬆軟，調味亦恰好，米飯粒粒分明。
主食揀咗滷水雞扒，雞肉大大塊，店員已經代為切開數件，肉質非常嫩滑，夠晒入味。台灣士林香腸味道亦唔錯，脆口又帶點蒜香，充滿台灣夜市風味！澎湖花枝丸，每一粒都好似兵乓球咁大，口感彈牙，食到鮮甜滋味。
跟餐 +$5 可以點杯台式飲品，揀咗金鑽鳳梨綠茶，鳳梨的香甜，配上綠茶的茶香，鮮甜又清爽，好 fresh。
吐司選擇非常豐富，除了三款經典口味外，仲有白兔糖鮮奶麻糬口味同一系列鐵板吐司。
揀咗肉鬆芋泥吐司 ($42)，吐司好墜手，非常大份，餡料飽滿。肉鬆香氣獨特、鹹香味濃。芋泥綿滑帶芋頭香，吐司軟熟，夾埋一齊食，口感同層次都好豐富。
仙草大滿貫 ($48)，可以揀配芋泥或紫薯，至於其他配料就有三色芋圓、小芋圓、紅豆、小布丁同水晶，真材實料，份量超多。仙草滑嘟嘟，有淡淡草本香。紫薯泥香甜細膩，芋圓煙韌軟糯，有芋頭味。紅豆煲得腍香，口感亦不錯。已經諗緊下次再嚟買外賣嘅時候，要試下佢哋嘅白兔糖鮮奶麻糬吐司。
張貼
