木玥巷 (已結業)

聽講元朗新開左間台灣菜幾正宗而且岩打卡，見今日經開朗屏就試一試！位置方面係好近朗屏站，橋底下嘅一間小店，但門外人龍總是一疊疊！今日一於試一試！雖然途中黎錯了食物，但店員都積極解決！🔹紅燒牛肉麵：第一次試食新餐廳，梗係叫個傳統台式美食 — 牛肉麵會比較穩陣！呢間牛肉麵嘅麵條比較粗圓，同平時食開嘅扁平唔同，所以口感上比較豐富，有啲新鮮感。湯底亦非常香濃，有鹵水味有香料味，當然仲有濃濃嘅牛肉味，淨飲湯頭都好滿足！牛肉夠入味，而且仲有啲「啫喱」狀嘅筋腱部位，咬落除咗有牛肉嘅口感之外，亦都有一啲彈牙嘅啫喱筋腱，咁就唔使淨食牛肉咁滯咁單調👍🏾㊙️酸菜係靈魂，我拎多一碟撈麵食👍🏾