影片
更多
2010-10-30
32 瀏覽
大約兩星期前, 好友食家"乜都放入窿"黎左師傅家中作客, 夜少少大家就一齊出返九龍! 而好友食家"乜都放入窿"就為著當晚嘅晚餐而費盡心思, 最後終於比佢諗到, 就係去一間好友食家"乜都放入窿"未試過而師傅試過嘅食店, 但師傅成日同佢講至少去一次, 呢間食店就係堂記腸粉! 聽到呢個提議師傅當然舉腳贊成啦, 皆因師傅成日心思思想去第二次; 於是再望下月曆, 當日又唔係星期三同星期日, 所以肯定冇問題, 於是出發! 好友食家"乜都放入窿"已經前後兩次黎到都冇得食, 兩次都係同師傅, 第一次係賣晒, 第二次係食店休息, 而第三次(即係今次)亦係同師傅黎, 滿心歡喜三顧堂記, 點知去到門口仍然係落閘放狗, 何解呢? 原來食店無啦啦休息三天, 咁嘅情況下都食唔到, 好友食家"乜都放入窿"真係算得上地獄黑仔王!兩食家喺極度失望下離開, 唯有喺附近四圍行下睇下有冇發現啦, 無啦啦就發現到呢間食店, 仍記得呢間食店嘅口碑都唔錯, 加上食店個名又屬同音, 所以份外親切, 正所謂跌左個橙都執番個桔啦, 加上大家都鬼咁肚餓, 所以就決定入去一試! 入到食店人唔多, 可能比較夜啦, 坐底就即刻睇下有想食先, 最
聽到呢個提議師傅當然舉腳贊成啦, 皆因師傅成日心思思想去第二次; 於是再望下月曆, 當日又唔係星期三同星期日, 所以肯定冇問題, 於是出發! 好友食家"乜都放入窿"已經前後兩次黎到都冇得食, 兩次都係同師傅, 第一次係賣晒, 第二次係食店休息, 而第三次(即係今次)亦係同師傅黎, 滿心歡喜三顧堂記, 點知去到門口仍然係落閘放狗, 何解呢? 原來食店無啦啦休息三天, 咁嘅情況下都食唔到, 好友食家"乜都放入窿"真係算得上地獄黑仔王!
兩食家喺極度失望下離開, 唯有喺附近四圍行下睇下有冇發現啦, 無啦啦就發現到呢間食店, 仍記得呢間食店嘅口碑都唔錯, 加上食店個名又屬同音, 所以份外親切, 正所謂跌左個橙都執番個桔啦, 加上大家都鬼咁肚餓, 所以就決定入去一試! 入到食店人唔多, 可能比較夜啦, 坐底就即刻睇下有想食先, 最師師傅就穩穩陣陣咁柯打左雲吞麵, 而好友食家"乜都放入窿"就咸咸濕濕咁柯打左及第粥(目及 底), 再加一碟炸九菜餃同油菜!
等左唔使好耐, 雲吞麵率先登場, 一如以往第一啖就當然係試下個湯底, 湯底方面亦頗香, 冇味精, 飲多幾啖真係增進師傅嘅食慾; 至於雲吞, 如果師傅冇記錯的話係應該有五粒, 雲吞並唔算好大粒, 一定唔係沾仔記嗰種, 但亦唔係好細粒, 即係唔似麥奀嗰種, 總言之雲吞體積入乎比例, 先試一口雲吞係十分爽口, 蝦肉份量亦多, 豬肉唔算多, 加上皮夠薄, 成粒雲吞絕對見得人, 不俗; 至於麵身煙韌爽口, 咬口洽到好處, 加上食唔到有鹼水味, 唔錯!
及第粥嘅粥底係十分之綿, 配料新鮮, 師傅亦試左一件豬潤, 豬潤煮到啱啱好, 絕不過火, 所以入口鮮嫩爽口, 絕對唔苦, 水準之高甚至好味過維記, 非常之掂呀, 絕對值得一試; 炸九菜餃真係即叫即炸, 冇油益味而且熱辣辣, 一碟仲有成八九件, 九菜味道唔會過濃但亦唔會冇左嗰種香味, 就連師傅對九菜麻麻地亦照食幾件, 呢個炸九菜餃絕對係必食推介, 超正; 最後係油菜, 油菜揀左芥蘭, 又腍又嫩又綠, 真的不錯呀!
總括黎講食物水準非常出色, 服務友善, 環境都舒服乾淨, 價錢普通啦, 雲吞麵要廿蚊碗, 其他的師傅已經唔記得幾錢, 鬼咩又唔係師傅比錢, 次次同好友食家"乜都放入窿"食飯, 差不多次次都係佢找數, 不過師傅都費事同佢計, 老死係冇得計嘅, 總言之下一餐到師傅啦! 雖然三顧堂記又失敗, 但至少都試到呢間棠記亦有一手, 笑臉係值得一比, 有機會一定會再黎!
張貼
