二鍋頭 (嘉芙中心)

營業中

休息中

今日就約咗 friend 一齊去尖沙咀呢間二鍋頭，食我地最愛嘅打邊爐。其實之前旺角間分店都食過一次, 都係被佢任食雞煲呢個 point 所吸引, 所以黎埋呢間新店我覺得出面任食雞煲嘅餐廳并唔算多, 所以當然要 encore 再狂擦一下我地約得比較早，成為餐廰嘅第一組客人，由於新開嘅原故，裡面感覺好新淨，地方寬敞光鮮，場內有好幾部電視，保證每個角落嘅位置都睇到。佢地採取寫紙同出去自取食材兩個方法，雪櫃係趟門，確保乾淨衛生。打頭陣先黎佢地嘅招牌雞煲，非常惹味，份量又足，好多肉，無限添，我同朋友總共食咗兩個先開始邊爐。湯底選擇亦有好多個, 不過朋友唔嚐辣, 所以揀咗豬骨湯本人係食肉獸，升級咗做牛魔皇餐，專注食牛，除咗肥牛，佢地會多咗提供另外三款牛，分別係美國黑和牛，美國安格斯prime牛頸脊&美國安格斯牛小排，絕對建議大家揀呢款，除咗多D牛食，仲可以加時30分鐘。