稻香超級漁港 (已搬遷) 新店位置

想吃點心，來到了稻香，樓上舖，等lift等了好一陣。上到去勁多人等位，有個自助攞飛機，不過老人家似乎唔識用。見到個小姐不停咁叫，好快就有枱。雖然坐到最後排，但唔使撘枱，個位仲幾濶添。點心紙有好幾張，已經到在下午茶時間，有幾多特價點心。冬葉鹹肉粽近端午節，想吃粽應下節。糯米，綠豆餡不夠，不綿，蛋黃同肥豬肉幾夠油水，都ok好味。鬼馬讓油條魚肉讓入油炸鬼，幾香口，可惜涼了變得有點硬。鴛鴦雙潮蝦餃同潮州粉粿，皮很厚，無乜味，兩者都麻麻。豬肚雞燒賣一粒係豬肚，一粒係雞，賣相頗差。味道ok，好肉好油。生磨杏仁糊好濃好滑，不過似係開粉……要揾到生磨嘅都好難囉。超大碗，小點黎計好抵食。收野沖茶都幾密，飲下茶，傾下計都係一個好地方。