在 (已結業)

今次想同大家推介呢一間嘅外賣店，餐廳喺深水埗v walk附近，餐廳冇堂食，不過外面會有幾張凳坐低大家自行享用美食，但我自己都係最鍾意買返屋企慢慢食。✨matcha latte✨荔枝梳打抹茶latte嘅抹茶味好濃，唔係死甜，有啲抹茶嘅甘香，超鍾意。荔枝梳打就果味香濃啲，幾清涼。✨三眼仔餐肉炒一丁✨青咖喱雞太陽蛋飯三眼仔餐肉撈丁夠晒邪惡，間唔中都會想食下啲咁邪惡嘅嘢，個蛋煎得好好，有少少窿邊。青咖喱雞太陽蛋飯嘅咖喱唔會好辣，係偏甜少少嘅咖喱，啱晒我呢啲唔食得辣嘅人，雞肉份量都幾多，食完會好飽。✨蜜糖芥末沙律燒賣✨明太子燒賣好鍾意食佢哋呢度嘅燒賣口感煙煙韌韌，特別係佢哋嘅醬好正，無論係蜜糖芥末定係明太子都一樣咁好食。