尚座 (已結業)

去銅鑼灣突然想食片皮鴨，就來到尚座試一試😍餐廳內好清優，見到好優雅既圓型水墨風新式壁畫！入到去好舒服。個人十分喜歡佢嘅前菜： 紅酒喬頭！ 比市面上的更大粒，非常爽口開胃！我哋叫左2個套餐：至尊午市套餐：黑松露糖心蛋冰凍糖心蛋加上黑松露，夠香又解暑氣！花膠鮮魚羹魚羹十分鮮香濃滑，碎片花膠增加口感，記得加埋胡椒粉，味道超夾！沙律蝦球蝦球淋上沙律汁外皮仲係非常脆口，蝦肉夠鮮濃！配上沙律汁好開胃另外今次主角係午市孖寶：酥香烤鴨好幸運地我哋係果碟係烤鴨肶，目測見到外皮烤很真係好酥脆！好快已經忍唔到手，拿起熱辣辣餅皮加上唔同配料：有青瓜條，蜜瓜條，京葱，蒜泥，烤鴨醬同白砂糖，一啖咬落去，薄薄餅皮十分煙韌有口感，烤鴨又真係好酥脆又鬆化！加上配料層次感豐富，味道十分出色！花膠螺頭湯湯品夠火喉！最主要夠熱身，但又不會辣嘴！有大大塊花膠，瑤柱，螺頭，味道十分清濃。飲完好想再飲！甜品-拔絲琉璃鮮果不得不說，拔絲琉璃鮮果上枱時絕對是驚喜滿分！靚靚既拔絲上加有桂花同玫瑰花瓣！絕對是打卡首選，加爉燭當生日甜品也不為過！一條條拔絲咬落去，似綿花糖質地但脆脆地，帶有焦香甘甜感覺，有脆感既綿花糖拨絲，真係值得一試！之後