影片
更多
2020-07-23
103 瀏覽
所有人嘅女朋友都鍾意食日本野，我位女朋友大人都係，佢帶左我去尖沙咀食，韓國街再入啲。我之前無喺香港食過，今次係第一次！裝潢幾有氣派，雖然而家要隔開坐。我第一時間見到嘅就係放在後面的廚師刀。話係廚師發辦，實際係女朋友發辦，佢話嗌中間價錢$1088果個餐。錦。Omakase逐樣上，貴就貴在呢個地方，先來蘿蔔同薑片，可以喺每道菜之間清清味蕾。前菜係合桃魚仔，接住就係鰈魚薄切，上面橙色的係海膽粉，柚子汁酸酸地帶出魚肉鮮味。之後就是各款刺身：- 北海道帆立貝，肉厚。- 𩶘魚，晶凝通透。- 鮑魚，慢煮滋味，濃而不膩。- 醬油漬赤身，回甘味停留在口腔好耐。- 拖羅，中拖羅為厚切、大拖羅就炙燒再上，先食中再食大，全晚至愛，不愧為大拖羅。我鍾食好生蠔，特別點咗岩手縣岩蠔，大大隻，正，好鮮味，唯上碟時已落了少少醬油。食完刺身就會黎個熱食，蒲燒活鰻魚有兩大件，平日唔好鰻魚鱔類嘅我哋都大讚好食！因為無乜骨，魚身仲好滑嫩。壽司係一件一件黎，以我所知香港有啲料理店係一次過隊哂咁多件黎，你估食緊連鎖舖咩！壽司部份我認為比刺身更出色：- 牡丹蝦，蝦肉夠大隻、鮮甜有彈性。- 赤貝，肉質超爽口，非常新鮮。- 深海池魚，魚
裝潢幾有氣派，雖然而家要隔開坐。我第一時間見到嘅就係放在後面的廚師刀。話係廚師發辦，實際係女朋友發辦，佢話嗌中間價錢$1088果個餐。錦。
Omakase逐樣上，貴就貴在呢個地方，先來蘿蔔同薑片，可以喺每道菜之間清清味蕾。
前菜係合桃魚仔，接住就係鰈魚薄切，上面橙色的係海膽粉，柚子汁酸酸地帶出魚肉鮮味。
之後就是各款刺身：
- 北海道帆立貝，肉厚。
- 𩶘魚，晶凝通透。
- 鮑魚，慢煮滋味，濃而不膩。
- 醬油漬赤身，回甘味停留在口腔好耐。
- 拖羅，中拖羅為厚切、大拖羅就炙燒再上，先食中再食大，全晚至愛，不愧為大拖羅。
我鍾食好生蠔，特別點咗岩手縣岩蠔，大大隻，正，好鮮味，唯上碟時已落了少少醬油。
食完刺身就會黎個熱食，蒲燒活鰻魚有兩大件，平日唔好鰻魚鱔類嘅我哋都大讚好食！因為無乜骨，魚身仲好滑嫩。
壽司係一件一件黎，以我所知香港有啲料理店係一次過隊哂咁多件黎，你估食緊連鎖舖咩！壽司部份我認為比刺身更出色：
- 牡丹蝦，蝦肉夠大隻、鮮甜有彈性。
- 赤貝，肉質超爽口，非常新鮮。
- 深海池魚，魚腩位置不乏油香。
- 中拖羅，再一次品嚐美味拖羅。
醋鯖魚棒卷比較特別，係唯一的卷物。鯖魚醃過特別入味，而且配埋漬物食好正。
最後的海膽，也是最期待的。餐廳用上北海道根室品種，份量毫不吝嗇，連埋紫菜一齊放入口，就是滿足。
飲埋個湯，食埋份蜜瓜就完美落幕。
女朋友果然無介紹錯，並令我對喺香港食Omakase有所改觀，因為唔止係華麗得個樣。整體幾好食，加上我食得飽囉，唔洗半夜偷偷地買包食，哈哈。
餐廳服務好好，師傅會我地傾計，店員又親切👍！
張貼
