改變策略，食《綠野仙蹤》Tea Set，佢個環境都舒服，座位唔會太迫，餐廳中間位置有一棵大樹🌴點綴一下
$188 for 2價錢好合理，送兩杯冷泡茶。如果要其他特飲，可以有半價優惠👍🏻亦可以加多$58加配三款甜品。
Tea Set 出場
介紹返個Tea Set，由下至左開始。
芝士年糕：新鮮炸起，外脆內軟少少甜。
法式檸檬撻：撻底比較硬，裡面有檸檬醬餡，面頭脆脆糖霜。
意式番茄蝦多士：多士唔夠脆，蝦唔算多，但洋蔥粒好多😂
明太子玉子燒：食嘅時候仲微暖，蛋唔會太死實實，都唔錯。
鬆餅：都算鬆嘅！呢個價錢可以接受。
香芋雲卷：蛋糕鬆軟，裏便個cream好creamy，好香紫薯味。
朱古力布朗尼：朱古力味算香濃。
蘋果撻：撻底同法式檸檬撻一樣，所以都係硬😂但係裏面有蘋果粒粒果肉搭救返個撻底。
整體來講比想像中好食😋
呢個係我當日食嘅tea set 有嘅嘢！我見之前食評啲款式有時會唔同！
以半價$24加咗杯香桃蘋果梳打，好飲👍🏻
