泗益

營業中

休息中

遊食團又再出動，今次大家既目的地是蒲台島，幼稚園級難度，適合家庭樂。大家幾個都是為食之士，當然唔會放過任何吃的機會，所以，我們約好了在赤柱吃過早餐，然後才繼續上路。有人建議去泗益，我是舉腳贊成，始終我最喜歡茶記/ 大排檔的早餐。泗益從來是長龍店，即使早餐時段也需要排隊等食，我們先到先霸位，務求將等候時間縮到最短。店子以西多士馳名，不用糖漿，以蛋白去製作，中心有咖央的甜，只塗牛油，已經好吃。然而，早餐時段是沒有西多供應，頂多都係食奶漿多，以我是日就柯打了餐蛋通粉。湯底帶有麻油香，用上的是坑紋通粉，較有口感；雞蛋煎得靚仔，蛋黃仍是流的；午餐肉同樣煎得香口，整件事簡單而美味。在這類地方，唔使問我都會叫熱咖啡，貪佢夠香濃、夠地道。吃飽飽，便齊齊走過碼頭，才乘船往蒲台島去。難得的好天氣，清風送爽，行山也行得特別舒服。