B’hood

營業中

休息中

今晚超級大雨，想搵個地方坐低食飯飲吓嘢傾吓計。呢度嘅位置、裝修、氣氛都非常之chill，是我喜歡的南歐風情。望出去仲可以見到少少維港嘅景色。我哋食咗三樣嘢，全部都好好味，首先大堆嘅係黑松露帶子意大利飯，帶子煎得又香好乾身，黑松露嘅份量調校得剛剛好，唔會搶晒其他味，但係又食到黑松露嘅香味，意大利飯軟硬適中，夠晒Rich夠晒creamy但係唔會太濟。三文魚西班牙蛋餅加咗basil，呢三樣嘢放埋一齊個味好夾，用鐵鑊仔煎完直接上菜，非常香口，裏邊仲有啲薯仔，真係食完都飽咗一半。另外仲有一個海鮮扁意粉，海鮮嘅份量都好充足，醬汁都調校剛剛好。 呢度嘅signature係一系列嘅high ball飲品如果平時出街飲Cocktail已經悶悶地，可以嚟呢度試吓啲新口味。總結，大推，下次如果經過呢頭都會再嚟。