一口沙嗲專門店

營業中

休息中

今日係520，當然要精心準備一餐特別嘅晚餐同男朋友一齊慶祝下😂知道男朋友鍾意食馬來西亞串燒，就上網睇下有乜好推介，竟然俾我搵到位於西環嘅「一口沙嗲專門店」，有得外賣串燒返屋企慢慢燒，大時大節就唔使等位，唔洗同人哋迫🤣今次分別買咗雞肉、豬肉、羊肉、牛肉，四款串燒，每包有12串，仲有佢地2個醬汁，分別係香辣花生醬：同原味花生醬：番到去就即刻洗下佢送嘅迷你專用燒烤電磁爐，電磁爐有上下兩層，下層有兩個小煎pan可以俾你放晒兩種醬汁加熱，而且電磁爐旁有得調教火力，都幾方便同實用！用電磁爐燒大約10-15分鐘就食得，如果想有燒焦嘅效果可以燒耐小小，自制串燒入口熱辣辣，配埋佢地手工製醬汁，食落十分惹味！四款串燒已經醃好咗，打開個包裝已經聞到好香，醃得好入味！呢間嘅串燒主打冇味精、冇防腐同冇色素，比起其他串燒尙算健康啲😋四款食落都有濃濃既沙嗲味，羊肉同雞肉食落較香嫩，肉質好滑，勁好食！😍😍而牛肉食落牛味都好出，食落都幾Juicy ，味道好正宗very yummy🤤 豬肉味道唔錯，肉質食落較有口感。