Between (大新金融中心) (已結業)

呢間文青cafe Between Coffee係中環大館開張之後一直都有唔少人慕名而去，假日閒閒地都要排一段時間🙈不過有個靚view嘢食又適合打卡都正常嘅，呢日我就去到佢哋係灣仔開嘅分店，係灣仔街市附近，位置唔算就腳，所以就算weekday lunch hour都比較少人😂可以慢慢坐。呢度同大館店提供嘅嘢食都差唔多，我就試咗佢嘅signature飲品同甜品。抹茶撻／日式糰子面頭灑滿抹茶粉，食落抹茶味都幾濃唔算好甜，抹茶濃度雖然唔係食過最高果啲不過作為茶控嘅我都收貨👌🏻👌🏻撻底幾好食，鬆脆食得出少許牛油香，入面嘅最底仲有一層薄薄嘅麻糬增加煙靭感，不過我個人就鍾意層麻糬可以厚多少少。Sesame Mountain (Coconut milk)呢日無coconut milk就改咗做oat milk，芝麻加奶形成嘅漸層好靚好吸引😻搞勻之後芝麻味適中，個人覺得可以再濃郁啲。人均消費：$120推介指數（10分為滿分）：7.5分