路邊煱 (已結業)

土瓜灣食店臨立, 今晚一試再開分店的路邊煱 打邊邊之前先整個混醬先 一到就先點個八味金磚豆腐醫肚先! 豆腐脆口得不能再脆, 但不會炸得太硬, 加上秘製的八味粉, 將普通的小吃提昇到另一個層次 雞煲, 2條友仔要半隻雞就夠, 份量足, 辣味夠, 但雞身偏老, 所以有少少硬 打邊邊又點可以無牛牛, 所以叫左個手切肥牛併牛頸脊, 兩樣都係極品, 但我倨人鍾意牛頸脊多少少, 因為牛頸脊係牛頸到牛膊中間的一段肉, 呢個部份由於活動比較多, 肉質相對會比較細緻結實, 肥瘦適中, 相比肥牛, 質感和味道都略優勝 蝦滑釀冬菇, 好簡單的一道菜, 但少少的功夫就帶來多一重的口感, 蝦滑的爽口彈牙配上軟綿綿的冬菇, 一絕 一支支的花竹蝦插在店方用準備的冰上面, 以防變壞, 好細心! 蝦因為超新鮮的關係, 肉質彈牙, 份外味美 至於特選黑豚肉就夠晒軟腍腍, 因為係我記憶入面, 火煱黑豚肉都係好硬 有時真係貴精不貴多, 好過你係任食邊爐劣質任食, 今晚係路邊煱呢到造就我完滿的一夜