廚十三老壇酸菜魚 (D2 Place ONE) (已結業)

午市又係一行4人, 其實係可以每人叫一個中午套餐。但係大家都想一齊食, 加多啲配菜咁。最後就叫左個土豪份酸菜魚$598仲叫左麻辣砵砵雞$98 麻辣砵砵雞$98就係有好多唔同既肉同菜串起放係麻辣汁到, 都好食但可以再濃味少少。 土豪份酸菜魚$598一黎到我地真係驚左, 因為真係好大份,我地好驚食唔哂。好足料, 有充足既酸菜同豆卜, 魚肉都有勁多, 肉質好鮮好滑, 係辣味弱左少少。食酸菜魚真係要配寬粉, 真係好又好食, 呢度既寬粉係透明個種,正。