土耳其小城 (德範大廈) (已結業)

今晚阿仔學琴, 兩公婆邊食邊等, 就係唔等阿仔食😂😂 行到落荃灣德華公園附近見到有間土耳其菜嘅餐廳! 餐廳環境舒服, 播放住一啲土耳其流行曲。餐廳充滿異國風情特色, 掛滿土耳其燈, 另一邊吊櫃仲放滿有土耳其特色嘅花樽同壺! 😍 牆身都舖滿馬賽克機磁磚, 好靚呀, 打卡一流! 兩個人咩都想試, 結果叫咗成枱嘢, 搞到要捧住個肚走🤣🤣浮雲沙律 - $57色彩繽紛, 顏色鮮豔嘅沙律菜🥗, 配有脆片及特色沙律醬, 食落酸酸甜甜, 非常之醒胃! 芝心炸雞件 - $58送到上枱以為係麥咩雞🤣🤣食落雞件好嫩滑, 入面仲有流心芝士, 外脆內嫩, 非常之惹味! 烤野雞肉捲餅 - $65用咗有墨麥香又餅皮煙煙韌韌嘅餅皮包住烤雞肉同生菜絲🌯, 配上特式沙律汁, 酸酸地又帶有微辣, 食落口感非常之豐富, 而且仲大大件一定飽肚! 地皇雞配蒜蓉烤薄餅 - $ 108蒜蓉烤薄餅真係my favorite , 烤得香香脆脆, 而且仲有蒜香味, 配埋個地黃雞 嘅香濃咖喱, 裏面有各式香料, 洋蔥同蕃茄, 而且雞肉特別多, 好惹味, 絕對係一配呀! 另外叫咗一杯凍嘅薄荷茶 -$30, 同芒果乳酸 - $42 🍹🥤