影片
更多
2021-03-02
80 瀏覽
建議： 套餐幾抵食，新既蟹湯拉面 🦀加HK$20 就食到 👍本來打算去土瓜灣買垣記蛋捲 (史上最好食又最難買蛋捲🥇) ，點知去到已經售罄。細問之下發現，原來一日大概係生產30盒🤣 真係街坊一早落街先有機會買到。不過好野就梗係多人買，所以無計下次再黎。蛋捲買唔到，順手Search 下附近有咩拉面好食🍜 搵到幾間，最後比金鶴既雞湯底 同 炸牛蒡吸引左。 行過去都唔係太遠10-15分鐘左右，係金孚車行後面街。入到去店員好快就安排好位置今次試左：🍜拉面▫️金鶴．雞白湯拉面 (HK$98)揀依個拉面，除左因為湯底，仲因為面頭既炸牛蒡。口感仲係脆，唔會太油膩。另外，湯頭唔錯，濃但唔會膩，而且唔會偏咸，食完都無特別口渴。睇番介紹原來係熬左6個鐘既湯頭😋 ▪️黑蒜醬油拉面 (HK$98)湯底用左舖頭自己製既黑蒜醬料，比白湯濃味，偏咸。兩碗拉面入面都配有2塊雞胸+1塊叉燒，雖然食落去唔嚡，但係肉既溫度係凍既，如果熱既可能會更入味。(都做左下功課，如果有人知道，凍肉配熱拉面係傳統？ 定係有另一種食法？ 請指教👍)套餐包括：拉面+小食+飲品 (1人餐 HK$128) >> 仲有2人餐同4人餐揀
本來打算去土瓜灣買垣記蛋捲 (史上最好食又最難買蛋捲🥇) ，點知去到已經售罄。細問之下發現，原來一日大概係生產30盒🤣 真係街坊一早落街先有機會買到。不過好野就梗係多人買，所以無計下次再黎。
蛋捲買唔到，順手Search 下附近有咩拉面好食🍜 搵到幾間，最後比金鶴既雞湯底 同 炸牛蒡吸引左。
行過去都唔係太遠10-15分鐘左右，係金孚車行後面街。入到去店員好快就安排好位置
今次試左：
🍜拉面
▫️金鶴．雞白湯拉面 (HK$98)
揀依個拉面，除左因為湯底，仲因為面頭既炸牛蒡。口感仲係脆，唔會太油膩。另外，湯頭唔錯，濃但唔會膩，而且唔會偏咸，食完都無特別口渴。睇番介紹原來係熬左6個鐘既湯頭😋
▪️黑蒜醬油拉面 (HK$98)
湯底用左舖頭自己製既黑蒜醬料，比白湯濃味，偏咸。兩碗拉面入面都配有2塊雞胸+1塊叉燒，雖然食落去唔嚡，但係肉既溫度係凍既，如果熱既可能會更入味。
(都做左下功課，如果有人知道，凍肉配熱拉面係傳統？ 定係有另一種食法？ 請指教👍)
套餐包括：拉面+小食+飲品 (1人餐 HK$128) >> 仲有2人餐同4人餐揀
題外話：
門口既裝潢與一般和食店無異，舖頭既室內裝潢亦係偏黑色，有啲射燈營造下氣氛。
點解要特別講個裝潢，係因為用餐後去Toilet，一推開門「嘩」左出黎🤣。 全白雲石紋，超光猛好乾淨。仲要係日本個種自動暖笠笠廁板，有得洗Pat Pat 個種 😂👍 廁所乾淨真係加分。
張貼
