盈苑海鮮酒家

營業中

休息中

今晚同朋友去咗「盈苑海鮮酒家」試咗幾款新菜式, 每樣都真材實料, 性價比超高！ 元宗淮山杞子燉螺頭湯 $48燉湯清甜滋潤, 螺頭份量足, 飲得出無味精, 淮山同杞子嘅味道好出, 秋冬飲好舒服。 北京片皮鴨 $98/隻 保持一貫水準, 鴨皮酥脆, 肉質嫩滑。師傅片皮手勢純熟, 配料新鮮, 性價比超高。 紅燒乳鴿 $58/隻雖然比優惠時段貴少少, 但依然保持水準。皮脆肉嫩, 咬落肉汁豐富, 水準穩定。 打孖上套餐 $428上湯澳洲龍蝦伊麵 (約一斤)龍蝦新鮮彈牙, 伊麵吸滿上湯精華, 唔會太鹹。最驚喜係龍蝦份量比預期多, 兩個人食都夠。 薑汁酒炒芥蘭 芥蘭嫩綠爽脆, 薑汁同酒香平衡得剛好, 唔會太濃味蓋過蔬菜本身鮮甜。