Nonsense

前幾日去Heysonuts食lunch嘅時候 發現隔離開咗間新餐廳 見OpenRice有得book位menu又幾吸引 就邀請住紅磡嘅好朋友搵晚嚟陪我試下首先店員態度好好啊 又細心主動 話說我都無為意OpenRice book位會送一杯飲品 我哋食飯時叫咗兩輪飲品 兩杯特飲同兩杯白酒 我哋亦都無提起或者問起openrice book位嘅promotion 但賣單時waitress主動同我哋waive咗兩杯飲品 可能有人覺得好小事 但講真我都試過好多餐廳唔知係有心定無意 無做到佢哋嘅優惠俾客人 所以呢點我就已經好好印象食物同飲品我哋全部都好滿意 我哋叫咗鵝肝黑松露意粉同黑毛豬煲仔飯 份量比我哋想像中大又足料 特飲我覺得我杯cocoblue好好飲 甜度岩岩好又夠fresh 後尾食完正餐 我哋再order咗甜品同白酒 店員仲比我哋試咗兩隻白酒添！服務態度真係好好👍🏻甜品法式朱古力批仲可以揀配焦糖布丁 好正！！！一次過滿足兩個願望嘅人下次一定要帶家人嚟呢間餐廳 如果有朋友嚟土瓜灣搵我食飯 我都會suggest呢間😋😋😋