串燒兄妹 (華景大廈)

營業中

休息中

串燒兄妹 📍土瓜灣下鄉道38-54號華景大廈地下G2號舖串燒兄妹全港有三間分店，相信佢都算係區內港式串燒之中多回頭客嘅一間，而且眼見好多客都係買外賣返屋企食！突然間心血來潮口痕想食串燒，今次我哋都第二次回訪！港式串燒調味絕對係個精髓，水準都依然保持到，濃味得來又唔咸，夠晒惹味！值得一提係佢哋嘅秘製醬汁，其中有隻沙嗲醬真係好濃郁，沾咗後有另一番風味！我哋叫咗幾串肉類同蔬菜，例如白鱔、雞翼、牛舌、魷魚鬚、牛丸、豬腩肉、翠玉瓜、秋葵等等…🔅重點推介： 白鱔厚肉又冇骨，外皮燒至香脆，口感爽彈！仲要有兩大舊真係好抵食！🔅重點推介：牛舌一串都有三大片，厚薄適中，火候剛剛好，肉質仍然保持爽脆！