生生餐廳 (已結業)

早已聽聞近年來有些社企營運的西餐廳不錯，今日有終於機會試一試。因為參加某團體的週年聚餐，來到灣仔的生生社企餐廳，地點其實相當方便，距離灣仔地鐵站只需約十分鐘路程。場地需不算大，但可間場給團體包場。食物方面，由頭盤開始吧，煙三文魚配芒果蕃茄沙律，一如多數西餐廳，隻碟大，食物精緻。焗法國田螺，田螺部份比較鹹，薯蓉很滑，應該加了不少忌廉。 餐湯是周打蜆湯。唔知係咪之前開會開耐咗，個湯唔夠熱人，但味道十足，忌廉濃郁。頭盤唔算太大驚喜，但主菜方面不錯，我選了紐西蘭肉眼扒，因為我是"牛魔王"，肉質嫩滑，有肉味，唔似落得太多鬆肉粉，份量適中甜品是紫薯奶涷，我平時很少食，這個奶涷做得相當不錯，因為奶涷部份不算太甜(我很怕甜品做得太甜)。總括來說，我尚算滿意這些食物，由於今次是團餐，下次有機會會再來試試！