樂天皇朝 (已結業)

又到左星期五，同埋月尾出糧嘅日子！一於同同事食餐好豐富啲嘅午餐，咁就去咗尖沙咀嘅樂天王朝食下小籠包。呢間尖沙咀店位於加拿大分廣場離位置便利離地鐵站2分鐘路程，搭lift2⃣️樓一出就到。到咗個酸辣湯試一試，原來只係一個人份量⋯⋯唯有獨食冇辦法。個湯夠辣，味道可以。呢個係賽螃蟹雖然只係好簡單嘅炒蛋白，但係無論去邊度食都仲係覺得好好食。再嚟一個松子桂魚，嘩！呢個餸係屋企就梗係唔會食到喇，所以都係必食嘅其中一個餸。醬汁嘅味道甜酸度恰到好處，新鮮炸起很好脆。呢個沙拉骨平時我係唔好唔鍾意食沙律醬，但都食咗一舊，外邊有沙律醬包着一層脆脆嘅炸豬扒嘅肉。都好夠味最後仲有我最鍾意嘅水煮牛肉，去到每一間食肆只要有呢個餸我都一定會點。但係今次要就一就唔太辣得的團友，我們選了中辣。中辣食落其實都冇乜麻辣味淨係覺得有啲鹹。下次有機會再食一定要挑戰下個大辣！食完咁多食物，個小籠包最後先到！