影片
更多
2011-09-18
19 瀏覽
5月21日, 之前團購咗嘅越南野一路都冇時間去食. 原因係張coupon限制咗要星期一至六先用得, 我地又唔係附近返工, 佢夜晚又唔開, 我地只可以星期六中午先可以用… 今日終於用到, 其實間野唔係太顯眼, 裏面坐位亦都唔多, 都有d迫迫地…::: 特級法包 + 牙車快 + 圓肉冰 ::: $29團購coupon就係可以用$29換原價$58套餐, 包括一款法包, 一款小食加飲品~特級法包就即係傳統法包, 乜料都有, 有札肉, 鴨肝, 咸豬手, 肉鬆同一大堆蘿蔔絲, 料就好足夠, 滿瀉咁滯~ 用料味道其實唔錯, 蘿蔔絲酸酸地好開胃, 而肉類都食得出各自味道及特色, 份量都唔少~ 但係主要嘅法包就有d失色… 烘得唔脆, 而又有d隔夜麵包嘅感覺, 所以一啖咬落去就有d韌韌地, 又唔係好新鮮, 一大敗筆…牙車快賣相較西式, 用嘅係切成小塊嘅沙律菜而非切絲嘅椰菜絲… 再加上切細嘅雞肉粒、蘿蔔絲、花生碎等, 淋上少少魚露, 味道上可以, 但就唔算得上係真正嘅越式牙車塊喇.圓肉冰夠凍~ 味道清甜, 但就有少少稀稀地~~~::: 香茅牛肉法包 + 春卷 + 凍滴滴咖啡 ::: $29香茅牛肉法包同樣地
::: 特級法包 + 牙車快 + 圓肉冰 ::: $29
團購coupon就係可以用$29換原價$58套餐, 包括一款法包, 一款小食加飲品~特級法包就即係傳統法包, 乜料都有, 有札肉, 鴨肝, 咸豬手, 肉鬆同一大堆蘿蔔絲, 料就好足夠, 滿瀉咁滯~ 用料味道其實唔錯, 蘿蔔絲酸酸地好開胃, 而肉類都食得出各自味道及特色, 份量都唔少~ 但係主要嘅法包就有d失色… 烘得唔脆, 而又有d隔夜麵包嘅感覺, 所以一啖咬落去就有d韌韌地, 又唔係好新鮮, 一大敗筆…
牙車快賣相較西式, 用嘅係切成小塊嘅沙律菜而非切絲嘅椰菜絲… 再加上切細嘅雞肉粒、蘿蔔絲、花生碎等, 淋上少少魚露, 味道上可以, 但就唔算得上係真正嘅越式牙車塊喇.
圓肉冰夠凍~ 味道清甜, 但就有少少稀稀地~~~
::: 香茅牛肉法包 + 春卷 + 凍滴滴咖啡 ::: $29
香茅牛肉法包同樣地個法包都係韌, 要用多少力先可以咬得開… 再講呢個香茅牛肉料更有點不滯. 牛肉偏韌, 香茅味亦欠奉, 麻麻地…
春卷就幾好嘅, 因為唔係中式春卷嗰隻. 即炸出嚟好夠熱, 亦好香脆~
凍滴滴咖啡夠晒特色, 俾一隻咖啡杯, 上面有一杯咖啡豆加熱水, 咁樣d咖啡就慢慢一滴一滴咁滴落隻杯度. 再加奶然後倒落冰杯, 就成為凍滴滴咖啡~ 味道就好似普通凍啡咁. 所以玩就好玩, 飲就麻麻…
食物水準就普通, 但係開喺中環都算係咁, 舖租貴食材又貴, 做到咁都唔算差架喇. 好彩我地唔喺中環番工, 要食好味越南野, 有大把選擇~
張貼
