影片
更多
2011-05-14
26 瀏覽
拎住coupon去食北京拉麵店，一到間舖頭有d呆左…… 唔知係唔係因為佢有幾間分店，就覺得應該有連鎖店ge架勢而唔係好似一間小舖咁ge樣……入去坐低，覺得都有d迫…… 米妮ge選擇困難症又發作，揀左好耐好不容易揀到d岩食ge野可以點菜個陣，個waiter同我地講，拎住coupon 唔可以揀晚餐特價小菜=.= 搞到米妮同米奇又揀過…… 話說拎住正價menu，入面有道回鍋肉同晚餐特價小菜係一樣ge，收銀話唔點得，因為晚餐特價小菜有呢道…….呆左…… 之後另一個waiter幫我地點菜又得wor，真係奇怪……首先上ge係四川担担麵，好鍾意四川担担麵個種味，麻醬好香，個麵一夾起就沾滿麻醬，因為担担麵係用幼麵，所以d汁可以充滿每一條麵，超超超好食呀！加小小辣同肉碎， 正呀！值得一提係個麵又唔會煮到太軟或太硬，入口岩岩好！米妮一向好鍾意食雞絲拉皮/ 粉皮，都係自從係西門町食左之後先愛上ge～一諗到粉皮冧冧地又超香麻醬ge味，就流晒口水。Waiter 一拎出黎，就急不及待咁撈左佢先。拎左滿滿ge一碗，懷著期待ge心情去食。一食入口，errrrrr爽口ge？！第二啖，有d粒粒ge (類似加左d糖又唔溶咁
入去坐低，覺得都有d迫…… 米妮ge選擇困難症又發作，揀左好耐好不容易揀到d岩食ge野可以點菜個陣，個waiter同我地講，拎住coupon 唔可以揀晚餐特價小菜=.= 搞到米妮同米奇又揀過…… 話說拎住正價menu，入面有道回鍋肉同晚餐特價小菜係一樣ge，收銀話唔點得，因為晚餐特價小菜有呢道…….呆左…… 之後另一個waiter幫我地點菜又得wor，真係奇怪……
首先上ge係四川担担麵，好鍾意四川担担麵個種味，麻醬好香，個麵一夾起就沾滿麻醬，因為担担麵係用幼麵，所以d汁可以充滿每一條麵，超超超好食呀！加小小辣同肉碎， 正呀！值得一提係個麵又唔會煮到太軟或太硬，入口岩岩好！
米妮一向好鍾意食雞絲拉皮/ 粉皮，都係自從係西門町食左之後先愛上ge～一諗到粉皮冧冧地又超香麻醬ge味，就流晒口水。Waiter 一拎出黎，就急不及待咁撈左佢先。拎左滿滿ge一碗，懷著期待ge心情去食。一食入口，errrrrr爽口ge？！第二啖，有d粒粒ge (類似加左d糖又唔溶咁ge口感)……第一次食到咁唔好食ge雞絲拉皮，莫非北京雞絲拉皮就係咁ge味？！
米妮超級小心翼翼咁夾起個小籠包，唔知點解次次食小籠包係拎上黎果下實會穿(米妮技術太差啦><) 今次居然冇事wor！超lucky～咬一啖先知……原來個皮都幾厚下，唔會咁易穿lor……食ge第二粒入面冇湯tim 呀…… 20蚊4隻咁ge水準好似唔係好合理wor……
回鍋肉米妮一向都有偏見，唔鍾意食個種味同埋果d好冧又會痴牙ge肉…… (可能係受罐頭回鍋肉影響啦)，呢個菜一上個陣，米妮見到就知都一定係果種味啦，無奈呢個係米奇叫ge…… 菜係果種米妮唔鍾意ge味，但係個肉，咦？！居然唔係罐頭果隻wor，係有咬口，爽爽地，因為佢切得好薄，所以唔覺得好肥～同埋佢唔係好入味，所以米妮覺得唔錯～成餐飯食得好飽但食物水準一般啦～
張貼
