影片
更多
2012-09-10
22 瀏覽
早前買了T.G.I Friday的團購下午茶餐, 原先諗住8月去食, 買左多次團購券經驗下, 預計2個星期前訂位通常都無問題, 不過今次訂呢間就等左3個星期先有, 我8月中打電話book位, 佢地答星期六日book位已經排到9月頭, 所以無辦法下就等左幾個星期先去食。 我平時去未去過既餐廳都會睇睇網上既食評同埋睇有咩推介, 今次睇左近期既食評, 心諗唔係掛, 印象唔係太好, 但都買左團購券, 都去試下啦, 我book 3pm, 一上到去搵唔到職員, 等左2,3分鐘先叫到佢地, 但就無左我個booking, 不過個經理都好好, 安排個靠窗既位置比我地, 我諗個個時間去大多數人都係用團購券, 同埋都唔係好多人, 食下午茶算幾悠閒。我地order左:沙律: 賣相可以接受, 味道普普通通餐湯: 是日餐湯係蕃茄湯, 雖然似似地金寶湯, 不過夠熱, 都幾好味主菜: 炸魚薯條 - 薯條炸得好香好脆, 好味, 值得推介, 炸魚就一般般, 點沙律醬味道ok, 另一主菜芝士漢堡包 - 賣相幾好, 朋友大讚漢堡好味, 唔錯唔錯飲品: 凍檸茶, 不過不失啦甜品: Brownie, 上面有一球雲喱拿雪糕, 味道
我地order左:
沙律: 賣相可以接受, 味道普普通通
餐湯: 是日餐湯係蕃茄湯, 雖然似似地金寶湯, 不過夠熱, 都幾好味
主菜: 炸魚薯條 - 薯條炸得好香好脆, 好味, 值得推介, 炸魚就一般般, 點沙律醬味道ok, 另一主菜芝士漢堡包 - 賣相幾好, 朋友大讚漢堡好味, 唔錯唔錯
飲品: 凍檸茶, 不過不失啦
甜品: Brownie, 上面有一球雲喱拿雪糕, 味道幾好, Brownie朱古力味幾濃, 好味
我食左呢餐後都覺得無想像中咁差, 起初睇左其他食評都覺得唔算太好, 所以都食得幾開心, 不過我就發覺其他食客就有d不滿, 我留意到有同我地差不多時間入坐既客人同我地差不多時間order食物, 但係等左好耐都無, 要催幾次單, 我食緊甜品佢地先食到主菜, 店員主動問我地要咩甜品, 但隔離枱客人好似要每樣都問先至有咁, 唔知其他人去見唔見有咁既情況, 所以佢地服務對我黎講係ok既。
張貼