緣味小聚 (金百利廣場) (已結業)

網上見到團購券有優惠，$55買到$100既現金券，今日就揀左黎呢度食午餐。要注意呢度用團購券係要以餐牌上原價計算。加一亦係原價計算。<一人快餐> ($108，現金價$73）包左鮮蝦菜苗餃、古法馬拉糕、潮州蒸粉果燕麥糕，蒸得比較腍，所以夾起都有啲散同痴底。包娃娃菜，都幾健康。另外可以係幾個蒸飯度揀一款，我揀左深海龍躉蒸陳村粉。<花旗參湯餃皇>（$12，現金價$4.8)另外加左隻湯餃。如果用現金都幾抵。蝦餃係湯入面浸耐左有啲散，不過蝦都算彈牙。<水果茶> ($15，現金價$10）無得調教甜度，不過味道唔會好甜，有雪梨、火龍果、菠蘿、橙。茶味唔算重。