南青山 (已結業)

團購了$49的拉麵餐，有5間拉麵店可揀左呢間南青山。我個人比較鐘性豬骨濃湯，佢又有半熟蛋~十分吸引。佢話呢間是在日本都大排長龍的人氣拉麵店，今日一試，當然又要同其他拉麵比例一下。豬骨濃湯半熟蛋拉麵：麵質算係軟硬適中，比一蘭同一風堂粗少少, 我比較鐘意精製細緻的幼麵，豬骨湯味濃，油脂不算太多, 算係唔錯。叉燒就肥左少少, 不過都滑身唔鞋。半熟蛋都正常，就冇乜味。小食有炸雞同餃子，炸雞比較出色, 又香又有肉汁，反而餃子一般。