影片
更多
2013-05-23
69 瀏覽
同朋友一齊買團購試呢間野, 地點幾方便, 一出西鐵站就係附近, 樓下門口放D電影感既佈置, 感覺唔錯.上到樓上, 全層都黑麻麻, D坐椅又大張又舒服, 算有情調, 可惜播住D舊歌MV, 成件事OLD SCHOOL得濟.我地早一日打電話訂位時就順便落埋ORDER, 一行四人, 2個點左紅酒牛膝, 2個點左黑豚肉.沙律係任食, 但食第一碟時覺得D甜味同酸味都唔太夾, 唔吸引我地, 所以無再叫.酥皮龍蝦湯都係任飲, 但一上枱我地就發現左樣好好笑既事!! 個酥皮係冚上去, 唔係跟湯跟碗一齊焗. 可能時間關係, 一早焗好酥皮, 然後倒湯入碗再冚返個皮上去.因為我見識少, 從未見過咁既做法, 所以大家都忍唔住笑左.講返個湯, 味道都唔錯, 我本身食得幾清, 所以對我本人黎講咸左D, 對我朋友黎講就合格.但酥皮雖然係好笑, 但食落好鬆脆, 都抵讚.不過一碗已經好飽, 所以都無再加碼.主菜上到, 先講紅酒牛膝. 個汁係唔錯, 味道好香濃, 美中不足係個牛膝, 好鞋口, 我朋友咬到牙軟, 最後放棄左大半碟.我食黑豚肉配德國腸. 講真, 個黑豚肉真係好咸, 咸到想叫兩碗白飯. 如果無咁咸的話, 按佢肉質係
上到樓上, 全層都黑麻麻, D坐椅又大張又舒服, 算有情調, 可惜播住D舊歌MV, 成件事OLD SCHOOL得濟.
我地早一日打電話訂位時就順便落埋ORDER, 一行四人, 2個點左紅酒牛膝, 2個點左黑豚肉.
沙律係任食, 但食第一碟時覺得D甜味同酸味都唔太夾, 唔吸引我地, 所以無再叫.
酥皮龍蝦湯都係任飲, 但一上枱我地就發現左樣好好笑既事!! 個酥皮係冚上去, 唔係跟湯跟碗一齊焗. 可能時間關係, 一早焗好酥皮, 然後倒湯入碗再冚返個皮上去.
因為我見識少, 從未見過咁既做法, 所以大家都忍唔住笑左.
講返個湯, 味道都唔錯, 我本身食得幾清, 所以對我本人黎講咸左D, 對我朋友黎講就合格.
但酥皮雖然係好笑, 但食落好鬆脆, 都抵讚.
不過一碗已經好飽, 所以都無再加碼.
主菜上到, 先講紅酒牛膝. 個汁係唔錯, 味道好香濃, 美中不足係個牛膝, 好鞋口, 我朋友咬到牙軟, 最後放棄左大半碟.
我食黑豚肉配德國腸. 講真, 個黑豚肉真係好咸, 咸到想叫兩碗白飯. 如果無咁咸的話, 按佢肉質係非常一流.至於個德國腸, 味道唔錯, 唔會太肥或硬身, 係油左D.
甜品係泡芙, 呢個普通, 唔值得評價.
成餐飯其實我地有D失望, 咁靚既餐廳, 咁好服務, 但食物卻失色.食到差唔多埋尾時, 我朋友遇上佢親戚都黎食飯, 原來佢親戚係成日黎幫襯, 佢老人家見到我地食剩好多野就好驚訝.
傾落先知呢間野平時唔係淨做西餐, 竟然有中餐小炒食! 佢親戚話一定要試呢度既安格斯牛.
我諗拍板都係將價就貨, 幾十蚊團購想食到好野, 真係無咩可能.
下次都係直接WALK IN 幫襯, 試下大廚D真功夫好.
張貼
