狀元樓 (已結業)

我地都明白團年時節多數餐廳都會分開兩輪以便翻檯賺更多既錢，難得呢間狀元樓不限時，我地已預先訂位，6:30PM來到唔算多人，以為中伏，點知係FULLBOOKING，以節日來說，價錢唔算太貴，雖然稱唔上話好好食，但味道的確唔錯，而且份量都算大碟。奇味德國豬手 –豬手皮炸得好脆，而入面既肉又好林，係外脆內軟，再配上微辣既WASABI醬，簡直絕配。秘製牛肋條 –超林的牛肋條配上秘製醬汁，非常惹味。彩虹滑豆腐 –豆腐好滑，配上清甜既醬汁，帶出豆腐的鮮味。海味什菜煲 –呢個什菜煲比一般酒樓既大一倍，抵食。狀元炒飯 –炒飯份量略位偏細，但飯炒得好乾身。當紅一品雞 –原先我地想叫霸王雞，但已經賣哂，侍應推介我地食一品雞，果然冇介紹錯，一品雞炸得好香脆，上檯時熱辣辣，好正。欖菜肉松四季豆 –呢個冇乜大驚喜，都唔錯的。蟠桃壽包 –壽包即叫即蒸，兩個起叫，只有蓮蓉而冇蛋黃既壽包，岩哂唔鍾意太甜既朋友，細細個，幾好。