真‧章魚無雙

營業中

休息中

並唔係第一次幫襯，已經幫襯過幾間分店 （太安樓，旺角，葵廣2樓舊分店等等）唔少次，但今次幫襯葵廣3/F 新分店嘅經歷，可以話係極度失望落單叫咗明太子併櫻花蝦章魚燒8粒雙併，但攞餐嘅時候發現只有其中一半係明太子，但係另一半一隻櫻花蝦都冇，於是告知戴眼鏡扎馬尾嘅收銀女職員，收銀女職員通知廚房粉紅色頭髮女職員，佢哋兩個並冇為自己嘅甩漏道歉，並只係求其灑了幾粒櫻花蝦，但求打發我哋走由於份量極端地少，同我哋以前食過嘅大相逕庭，於是我哋再次反映，粉紅色頭髮廚房女職員聽後就攞入廚房，但係原封不動攞返出嚟(或者可能加多咗一兩粒)，然後就話係得咁多！我哋表示你咁樣即係無加過，但粉紅色頭髮廚房女職員回應話就係得咁多！公道地講，食品質素保持到，但是服務態度極其惡劣，決定以後都唔會再幫襯，亦奉勸各位唔好幫襯，俾錢買難受！葵廣中心有好多唔同嘅選擇，章魚燒亦都唔止得呢一間，喺云云競爭對手中如果維持住咁垃圾嘅服務質素，真係祝你好運！