泰燒遙 (已結業)

嚟到諾士佛臺，學杜如風話齋「睇野唔好凈係睇水平線」凈係睇到地舖嘅酒吧，「仲要向上發展」睇下樓上就會發現有好野食，泰燒遙就係其中一家唔錯嘅泰菜！我地一行八人獲安排咗去張圓枱，唔錯架，大家唔使好似坐長枱咁隔到好遠咁傾偈，感覺好有去酒樓食野融洽嘅感覺。店內仲有一個海鮮bar, 有大蝦、蟹等等俾你揀，今晚一定要大擦我至愛嘅SEAFOOD!!呢個海鮮拼盤有齊我嘅至愛，有蝦、青口、扇貝、尤魚等等，加入埋熱辣辣嘅冬蔭功湯底，感覺啲湯提鮮咗！餐廳仲有冷海鮮盤可以揀，任君選擇！本身係雜菌fans嘅我，見到菇菌類嘅菜色我都會發光，呢度嘅雜菌沙律前菜同燒菇我都幾like, 沙律唔再凈係配沙律醬；泰式燒烤唔再凈係得雞！牛！豬！前者嘅辣菇同後者香烤嘅菇菌各有特色，質感夠實凈，忍唔住一口接一口呢！有款我印象都幾深刻嘅菜色，我會叫佢做避風塘炒辣雞，事關佢用咗好多香茅配料，炒到好有風味，呢個時候如果有杯啤酒就好嘞！食德國咸豬手就食得多嘞，泰式咸豬手就未食過。話說呢個豬手整嘅時候好花心思，要用啲泰式配料制鹵水浸過夜，風乾後再炸。皮脆食落仲有咸香，點埋碟邊醬汁又試多種mustard以外嘅選擇，不俗！另外，我地仲點咗香茅豬